கூடங்குளம் அணு உலையை ஏன் மூடவேண்டும்?
தொடரும் அணு உலை எதிர்ப்பு இயக்கத்தின் நியாயம் என்ன?
ஆகிய கேள்விகளை முன் நிறுத்தி நடத்தப்படும்
கருத்தரங்கிற்கு
தங்களை அன்போடு அழைக்கிறோம்.
இடம்: அண்ணாமலை ஓட்டல் அரங்கம், ரயில்வே சாலை, கோவை.
நாள்: 22.04.2012 (ஞாயிறு), காலை சரியாக 9.30 மணிக்கு.
தலைமை: திரு. கு. இராமகிருட்டிணன்
பொதுச் செயலாளர், பெரியார் திராவிடர் கழகம்.
ஒருங்கிணைப்பாளர், (கோவை மாவட்டம்)
கூடங்குளம் அணு உலை எதிர்ப்பு மக்கள் இயக்கம், தமிழ் நாடு.
சிறப்புரை: திரு. நீரஜ் ஜெய்ன் (NEERAJ JAIN).
புகழ் பெற்ற அணு உலை ஆய்வாளர்,
மகாராட்டிரத்தில் இயங்கிவரும் ‘லோகாயத்’ என்னும் இயக்கத்தின் தலைவர்.
கருத்துரை: டாக்டர். ஆர். ரமேஷ்
மருத்துவர் மற்றும் நிலவியல் ஆய்வாளர்.
வரவேற்புரை: திரு. பொன். சந்திரன்
மக்கள் சிவில் உரிமைக் கழகம், கோவை.
· கூடங்குளம் அணு உலை எதிர்ப்பு என்பது நாட்டின் வளர்ச்சிக்கு எதிரானதா?
· தேசத் துரோகக் குற்றமா? அல்லது
· தென் தமிழ் நாட்டையும் மானுடத்தையும் காப்பதற்கான மனித உரிமைச் செயல்பாடா?
· கூடங்குளம் அணு உலை கூடாது என்பதற்கான அறிவியல் ஆதாரங்கள் என்ன?
போன்ற அடிப்படை கேள்விகளை விவாதிப்பதற்கான கருத்தரங்கில்
பங்கு பெறுவோம்! விழிப்பு கொள்வோம்!!
கூடங்குளம் அணு உலை எதிர்ப்பு மக்கள் கூட்டமைப்பு, கோவை
15, சரசுவதி குடியிருப்பு, கணபதி புதூர் 3வது தெரு, கோவை: 641006
தொடர்புக்கு: 9443822256; 9443039630; Email: antinuke.kovai@gmail.com
குறிப்பு: திரு. நீரஜ் ஜெய்ன் அவர்கள் நிகழ்ச்சியன்று மதியம் 12.30மணிக்கு மும்பாய் செல்ல இருப்பதால் கருத்தரங்கம் குறித்த நேரத்தில் தொடங்கிவிடும்.
கூடங்குளம் அணு உலை எதிர்ப்பு மக்கள் கூட்டமைப்பு, கோவை
15, சரசுவதி குடியிருப்பு, கணபதி புதூர் 3வது தெரு, கோவை: 641006
தொடர்புக்கு: 9443822256; 9443039630
Email: antinuke.kovai@gmail.com
Monday, April 16, 2012
Monday, March 26, 2012
எம் மக்களின் மன உறுதியையும் காற்றையும் கடலையும் உங்களால் அடைக்க முடியுமா?
அணு உலை எதிர்ப்பு கூட்டமைப்பு என்ற பதாகையின் கீழ் இன்று காலை 9 மணிக்கு, நெல்லை பாளையங்கோட்டை திடலில், பெரியார் திராவிடர் கழகம், ம.தி.மு.க, விடுதலைச் சிறுத்தைகள் கட்சி, நாம் தமிழர், மனிதநேய மக்கள் கட்சி, பாட்டாளி மக்கள் கட்சி, சேவ் தமிழ்ஸ், தமிழக இளைஞர் எழுச்சி பாசறை, SDPI, மே 17 இயக்கம், த.தே.பொ.க., தமிழ்த் தேசிய விடுதலை இயக்கம், ஆதித் தமிழர் பேரவை உள்ளிட்ட பல கட்சிகள், இயக்கங்கள் ஒன்றிணைந்து மதிமுக பொதுச்செயலாளர் வைகோ, நாம் தமிழர் கட்சித் தலைவர் சீமான், விடுதலை சிறுத்தைகள் வன்னிஅரசு, தோழர் தியாகு, பண்ரூட்டி வேல்முருகன் ஆகிய தலைவர்களின் தலைமையில் "மக்களின் அச்சத்தைப் போக்கி அணு உலையை திறக்கக்கூடாது என்ற தமிழக அரசு இன்று மக்களை அச்சுறுத்தி திறப்பது நியாயமா? கூடங்குள அணு உலையை திறக்காதே! கைது செய்தவர்களை உடனே விடுதலை செய்!" என்கிற கோரிக்கை முழக்கத்துடன் 5000க்கும் மேற்பட்ட தோழர்கள் இடிந்தகரை நோக்கி படையெடுத்தபோது, போலிசாரால் கைது செய்யப்பட்டனர். விண்ணதிர வைக்கும் முழக்கங்களுடன் காற்று அங்கு வேறு மாதிரியாக இருந்தது. ஏறத்தாழ 800க்கும் மேற்பட்ட தோழர்கள் கைதாகினர்.
மாலை ஐந்து மணிக்கு விடுவிக்கப்பட்ட தோழர்கள் இன்று ஒரு எதிர்பாராத திருப்பத்தை சந்திக்க நேர்ந்தது. இன்றைய போராட்டத்தில் பங்கு பெற்ற தோழர் சதீஸ், மற்ற இயக்கத் தோழர்களுடன் வெளியே சென்றபோது, கண்ணிமைக்கும் நேரத்தில் அங்கு வந்த சிலர் அவரை சுற்றி வளைத்து வண்டியில் போட்டு கடத்திச் சென்றிருக்கின்றனர். இது கியூ பிராஞ்ச் போலிசின் நடவடிக்கையாக இருக்கலாம் என சந்தேகிக்கப்படுகிறது. எந்தவித வாரண்டோ, காரணங்களோ இல்லாமல், இப்படியான ஒரு நிகழ்வு அரங்கேற்றப்பட்டிருக்கிறது. கூடங்குள அணு உலை எதிர்ப்புப் போராட்டத்திற்கு பெருவாரியான மக்களிடையே ஆதரவு பெருகிக் கொண்டிருக்கும் இவ்வேளையில், இந்த அறப்போரை திசைதிருப்ப எல்லா வழிகளிலும் ஆளும் அரசால் முயற்சி மேற்கொள்ளப்படுகிறது என்பதையே இச்சம்பவம் நமக்கு உணர்த்துகிறது. போராடும் மக்களை நெருங்க முடியாத கையாலாகாத அரசு, மாற்று வழியில் உளவியல் தாக்குதலைத் தொடுத்திருக்கிறது.
நமது அடிப்படை வாழ்வாதார உரிமைகளுக்காக ஆதிக்க சக்திகளின் அடக்குமுறைகளை எதிர்த்து உலகெங்கும் போராடி வரும் ஒடுக்கப்பட்ட மக்களுக்கெல்லாம் ஒரு மாபெரும் முன்னுதாரணமாகத் திகழும் கூடன்குளம் இடிந்தகரை மக்கள் இம்மாதிரியான அடக்குமுறைகளை தூசு போலத் துடைத்தெறியத் துணிந்திருக்கின்றனர். முதலாளித்துவ ஏகாதிபத்திய நலன்களுக்காக ஒரு சமூகத்தையே பலியிடத் துடித்துக் கொண்டிருக்கும் இந்திய அரசையும் தமிழக அரசையும் எதிர்த்து, கொலைகார அணு உலையை மூடும் வரை மக்கள் இந்த அறவழிப்போரை இம்மியளவு கூட விட்டுக் கொடுக்கப் போவதில்லை. ஆயிரக்கணக்கான போலீசின் பிரம்மாண்ட அணிவகுப்பும், இராணுவமும் துப்பாக்கிகளும் நெஞ்சுரம் கொண்ட அந்த குழந்தைகளைக் கூட மிரட்டப் போதுமானதாக இருக்கவில்லை.
இன்னொரு முள்ளி வாய்க்காலை நிறைவேற்றி விடலாம் என லட்சிய வெறியோடு களமிறங்கியிருக்கிறது அரசு இயந்திரம். உணவு, குடிநீர் காய்கறி எல்லா அத்தியாவசியப் பொருட்களும் தடை செய்யப்பட்டிருக்கின்றன. ராதாபுரம் பகுதியில் 144 தடை உத்தரவு பிறப்பிக்கப்பட்டிருக்கிறது. உள்ளே வெளியே போக்குவரத்து அனுமதி இல்லை. மின்சாரம் துண்டிக்கப்பட்டிருக்கிறது. மருந்துகளின் கையிருப்பு குறைந்து கொண்டே வருகிறது. கூடங்குளமும் இடிந்தகரையும் வெளியுலகோடு தொடர்பறுக்கப்பட்டிருக்கிறது. உதயகுமார் அவர்களின் துணைவி நடத்தும் பள்ளிக்கூடம் கூலிப்படையினரால் தாக்குதலுக்கு ஆளாக்கப்பட்டிருக்கிறது. வலியால் அவதிப்பட்ட ஒரு கர்ப்பிணிப்பெண் மருத்துவமனைக்குச் செல்ல போலிசு மறுத்திருக்கிறது. கைது செய்யப்பட்ட நூற்றுக்கணக்கானவர்களுக்கு உணவு வழங்கப்படவில்லை. கைதானவர்களில் 45-க்கும் மேற்பட்ட பெண்கள் பேருந்துகளில் கொண்டு சென்ற போது, மலஜலம் கழிக்கக்கூட போலிசு வண்டியை நிறுத்த அனுமதிக்கவில்லை.
சங்கரன் கோவில் இடைத்தேர்தல் நிகழ்ந்த மறுநாளே, தன் கோர முகத்தைக் காட்டிக் கழுத்தறுத்த தமிழக அரசையும், ஒரு இனப்படுகொலைக்குத் தயாராகும் முஸ்தீபுகளோடு தன் திட்டத்தை வரையறுத்திருக்கும் மாநில அரசையும் மக்கள் அவதானிக்கத் தொடங்கி விட்டனர். ஏற்கெனவே சிங்கள் அரசின் உதவியோடு அம்பலமான ஈழப்படுகொலைகளைப் பார்த்து கண்ணீரோடு (சற்று தாமதமாக) கொதித்துப் போயிருக்கிற தமிழனுக்கு காங்கிரசு அரசின் மீதான தேச வளர்ச்சி பொய்க்கரிசனம் தெற்றென விளங்கியிருக்கிறது.
இடிந்தகரையில் அணு உலையை எதிர்த்துப் போராடும் மீனவ விவசாய மக்களின் நியாயத்தையும், ஏன் அணு உலைகளை இந்தியா உள்ளிட்ட மூன்றாந்தர நாடுகள் ஆதரிக்கின்றன என்ற பின்னரசியலையும் மக்களிடையே அவசரமாய்க் கொண்டு போய்ச் சேர்க்க வேண்டிய நிர்ப்பந்தம் இங்கே தான் இருக்கிறது. தினமலம் போன்ற பாசிச நாளிதழ்களின் கருத்துகளுக்கு போதுமான ஆதரவு குறைந்து வருகிற இவ்வேளையில்,நம் சந்ததிகளைக் காக்க இரவு பகலாக போராடி வரும் அந்த மக்களுக்கான ஆதரவைத் திரட்ட நம்மாலான முயற்சிகளைச் செய்வோம்.
தமிழகத்தையே கூறுபோடக் காத்திருக்கும் எண்ணிலடங்கா திட்டங்கள் மத்திய அரசிடம் இன்னும் நிறைய இருக்கின்றன. எனவே இந்த அவலம் நாளை ஒவ்வொரு தமிழனுக்கும் நேரும் காலம் வெகுதொலைவில் இல்லை. நமது நிலங்கள் பறிக்கப்படவிருக்கின்றன. நமது வீடுகள் சூறையாடப்படவிருக்கின்றன. நமது உயிர்களைச் சுவைக்க பிணந்தின்னி கழுகுகள் காத்திருக்கின்றன. அரசியல்வாதிகள் எப்போதும் போல நம்மைக் கைவிட்டு விடுவார்கள். கூடங்குளத்தையும் இடிந்தகரையையும் வட்டாரப் பிரச்சினையாக பாவித்து பாராமுகமாய் இருக்கப் போகிறோமா? தொலைக்காட்சியையும் கிரிக்கெட்டையும் ஓட்டரசியல் கட்சிகளின் இலவசக் கவர்ச்சி விளம்பரங்களையும் பார்த்து கிறங்கிக் கிடக்கப் போகிறோமா?
ஒடுக்கப்பட்ட மக்களின் மீது வன்முறைச் சேற்றை வாரியிறைத்து வாழ்வாதாரப் போராட்டங்களை நசுக்கத்துடிக்கும் ஒவ்வொரு அரசும் இறுதியில் வீழ்ச்சியைச் சந்தித்தே ஆக வேண்டுமென்பதை, போராடும் மக்களுக்கு தோள் கொடுப்பதன் மூலம் இந்திய அரசை எச்சரிப்போம். நம் மன உறுதியையும் காற்றையும் கடலையும் அவர்களால் அடைக்க முடியாது என்பதை சாவு வியாபாரி அரசுகளின் துப்பாக்கி ரவைகளுக்கு உரக்கச் சொல்வோம்.
அ.மு.செய்யது
மாலை ஐந்து மணிக்கு விடுவிக்கப்பட்ட தோழர்கள் இன்று ஒரு எதிர்பாராத திருப்பத்தை சந்திக்க நேர்ந்தது. இன்றைய போராட்டத்தில் பங்கு பெற்ற தோழர் சதீஸ், மற்ற இயக்கத் தோழர்களுடன் வெளியே சென்றபோது, கண்ணிமைக்கும் நேரத்தில் அங்கு வந்த சிலர் அவரை சுற்றி வளைத்து வண்டியில் போட்டு கடத்திச் சென்றிருக்கின்றனர். இது கியூ பிராஞ்ச் போலிசின் நடவடிக்கையாக இருக்கலாம் என சந்தேகிக்கப்படுகிறது. எந்தவித வாரண்டோ, காரணங்களோ இல்லாமல், இப்படியான ஒரு நிகழ்வு அரங்கேற்றப்பட்டிருக்கிறது. கூடங்குள அணு உலை எதிர்ப்புப் போராட்டத்திற்கு பெருவாரியான மக்களிடையே ஆதரவு பெருகிக் கொண்டிருக்கும் இவ்வேளையில், இந்த அறப்போரை திசைதிருப்ப எல்லா வழிகளிலும் ஆளும் அரசால் முயற்சி மேற்கொள்ளப்படுகிறது என்பதையே இச்சம்பவம் நமக்கு உணர்த்துகிறது. போராடும் மக்களை நெருங்க முடியாத கையாலாகாத அரசு, மாற்று வழியில் உளவியல் தாக்குதலைத் தொடுத்திருக்கிறது.
நமது அடிப்படை வாழ்வாதார உரிமைகளுக்காக ஆதிக்க சக்திகளின் அடக்குமுறைகளை எதிர்த்து உலகெங்கும் போராடி வரும் ஒடுக்கப்பட்ட மக்களுக்கெல்லாம் ஒரு மாபெரும் முன்னுதாரணமாகத் திகழும் கூடன்குளம் இடிந்தகரை மக்கள் இம்மாதிரியான அடக்குமுறைகளை தூசு போலத் துடைத்தெறியத் துணிந்திருக்கின்றனர். முதலாளித்துவ ஏகாதிபத்திய நலன்களுக்காக ஒரு சமூகத்தையே பலியிடத் துடித்துக் கொண்டிருக்கும் இந்திய அரசையும் தமிழக அரசையும் எதிர்த்து, கொலைகார அணு உலையை மூடும் வரை மக்கள் இந்த அறவழிப்போரை இம்மியளவு கூட விட்டுக் கொடுக்கப் போவதில்லை. ஆயிரக்கணக்கான போலீசின் பிரம்மாண்ட அணிவகுப்பும், இராணுவமும் துப்பாக்கிகளும் நெஞ்சுரம் கொண்ட அந்த குழந்தைகளைக் கூட மிரட்டப் போதுமானதாக இருக்கவில்லை.
இன்னொரு முள்ளி வாய்க்காலை நிறைவேற்றி விடலாம் என லட்சிய வெறியோடு களமிறங்கியிருக்கிறது அரசு இயந்திரம். உணவு, குடிநீர் காய்கறி எல்லா அத்தியாவசியப் பொருட்களும் தடை செய்யப்பட்டிருக்கின்றன. ராதாபுரம் பகுதியில் 144 தடை உத்தரவு பிறப்பிக்கப்பட்டிருக்கிறது. உள்ளே வெளியே போக்குவரத்து அனுமதி இல்லை. மின்சாரம் துண்டிக்கப்பட்டிருக்கிறது. மருந்துகளின் கையிருப்பு குறைந்து கொண்டே வருகிறது. கூடங்குளமும் இடிந்தகரையும் வெளியுலகோடு தொடர்பறுக்கப்பட்டிருக்கிறது. உதயகுமார் அவர்களின் துணைவி நடத்தும் பள்ளிக்கூடம் கூலிப்படையினரால் தாக்குதலுக்கு ஆளாக்கப்பட்டிருக்கிறது. வலியால் அவதிப்பட்ட ஒரு கர்ப்பிணிப்பெண் மருத்துவமனைக்குச் செல்ல போலிசு மறுத்திருக்கிறது. கைது செய்யப்பட்ட நூற்றுக்கணக்கானவர்களுக்கு உணவு வழங்கப்படவில்லை. கைதானவர்களில் 45-க்கும் மேற்பட்ட பெண்கள் பேருந்துகளில் கொண்டு சென்ற போது, மலஜலம் கழிக்கக்கூட போலிசு வண்டியை நிறுத்த அனுமதிக்கவில்லை.
சங்கரன் கோவில் இடைத்தேர்தல் நிகழ்ந்த மறுநாளே, தன் கோர முகத்தைக் காட்டிக் கழுத்தறுத்த தமிழக அரசையும், ஒரு இனப்படுகொலைக்குத் தயாராகும் முஸ்தீபுகளோடு தன் திட்டத்தை வரையறுத்திருக்கும் மாநில அரசையும் மக்கள் அவதானிக்கத் தொடங்கி விட்டனர். ஏற்கெனவே சிங்கள் அரசின் உதவியோடு அம்பலமான ஈழப்படுகொலைகளைப் பார்த்து கண்ணீரோடு (சற்று தாமதமாக) கொதித்துப் போயிருக்கிற தமிழனுக்கு காங்கிரசு அரசின் மீதான தேச வளர்ச்சி பொய்க்கரிசனம் தெற்றென விளங்கியிருக்கிறது.
இடிந்தகரையில் அணு உலையை எதிர்த்துப் போராடும் மீனவ விவசாய மக்களின் நியாயத்தையும், ஏன் அணு உலைகளை இந்தியா உள்ளிட்ட மூன்றாந்தர நாடுகள் ஆதரிக்கின்றன என்ற பின்னரசியலையும் மக்களிடையே அவசரமாய்க் கொண்டு போய்ச் சேர்க்க வேண்டிய நிர்ப்பந்தம் இங்கே தான் இருக்கிறது. தினமலம் போன்ற பாசிச நாளிதழ்களின் கருத்துகளுக்கு போதுமான ஆதரவு குறைந்து வருகிற இவ்வேளையில்,நம் சந்ததிகளைக் காக்க இரவு பகலாக போராடி வரும் அந்த மக்களுக்கான ஆதரவைத் திரட்ட நம்மாலான முயற்சிகளைச் செய்வோம்.
தமிழகத்தையே கூறுபோடக் காத்திருக்கும் எண்ணிலடங்கா திட்டங்கள் மத்திய அரசிடம் இன்னும் நிறைய இருக்கின்றன. எனவே இந்த அவலம் நாளை ஒவ்வொரு தமிழனுக்கும் நேரும் காலம் வெகுதொலைவில் இல்லை. நமது நிலங்கள் பறிக்கப்படவிருக்கின்றன. நமது வீடுகள் சூறையாடப்படவிருக்கின்றன. நமது உயிர்களைச் சுவைக்க பிணந்தின்னி கழுகுகள் காத்திருக்கின்றன. அரசியல்வாதிகள் எப்போதும் போல நம்மைக் கைவிட்டு விடுவார்கள். கூடங்குளத்தையும் இடிந்தகரையையும் வட்டாரப் பிரச்சினையாக பாவித்து பாராமுகமாய் இருக்கப் போகிறோமா? தொலைக்காட்சியையும் கிரிக்கெட்டையும் ஓட்டரசியல் கட்சிகளின் இலவசக் கவர்ச்சி விளம்பரங்களையும் பார்த்து கிறங்கிக் கிடக்கப் போகிறோமா?
ஒடுக்கப்பட்ட மக்களின் மீது வன்முறைச் சேற்றை வாரியிறைத்து வாழ்வாதாரப் போராட்டங்களை நசுக்கத்துடிக்கும் ஒவ்வொரு அரசும் இறுதியில் வீழ்ச்சியைச் சந்தித்தே ஆக வேண்டுமென்பதை, போராடும் மக்களுக்கு தோள் கொடுப்பதன் மூலம் இந்திய அரசை எச்சரிப்போம். நம் மன உறுதியையும் காற்றையும் கடலையும் அவர்களால் அடைக்க முடியாது என்பதை சாவு வியாபாரி அரசுகளின் துப்பாக்கி ரவைகளுக்கு உரக்கச் சொல்வோம்.
அ.மு.செய்யது
Wednesday, March 14, 2012
கூடங்குள அணு உலை எதிர்ப்பு - ஓவியக் கண்காட்சி
அ.மு.செய்யது
கலைஞன் தான் உலகின் முதல் கலகக்காரனாக இருந்திருக்க வேண்டும் என்ற கலகக்குரலோடு தனது தாடியையும் தூரிகையையும் நீவிவிட்டவாறு, முதல் அணு உலை எதிர்ப்பு வண்ணத்தை பலகைகளில் பதிவு செய்ய தொடங்கினார் ஓவியர் வீரசந்தானம். அருகிலிருந்தவரின் கைரேகைகளை தனது ஓவியத்திற்காக கவர்ந்து கொண்டார். அனைவரது வண்ணங்களிலும் எதிர்ப்பும் இரத்தமும் வாழ்வும் சாவும் ஏகாதிபத்தியமும் சுரண்டலும் வறட்சியும் மலர்ச்சியும் சுடுகாடுகளும் கல்லறைகளும் மற்றும் அணு உலைகளும் குழைத்து குழைத்து நிறைந்திருந்தன.
டிராஸ்கி மருது, வீரசந்தானம், முகிலன், அரஸ், சீனிவாசன் ஓவியக்கல்லூரி ஆசிரியர்கள், மாணவர்களான சி.வெங்கடேசன், அரும்பு ப.குமார், அல்ஃபோன்ஸ் உள்ளிட்ட 30 ஓவியக்கலைஞர்கள் நேற்று லயோலா கல்லுரியில் காலை பத்து மணிக்கு கூடுவதாக உறுதி பூண்டு, கூடன்குள அணு உலையை எதிர்த்து ஓவியங்களாய் தீட்டத்துவங்கினர். வரைந்து முடிக்கப்பட்ட ஓவியங்கள் மேடையில் ஒவ்வொன்றாய் கண்காட்சிக்கு வைக்கப்பட்டன.
ஓவியர் டிராஸ்கி மருது, கூடன்குள அணு உலை எதிர்ப்பை பெண்களின் போராட்டமாக இரத்த நிறப்பின்னணியில் தனது ஓவியத்தில் அழுத்தமாக சித்தரித்திருந்தார். ஓவியர் அரஸ், பல கைகள் இணைந்து மன்மோகனின் கைகளை கூடன்குள அணு உலையை கூடாது என முடுக்கி விடுவதாக தனது 'கை'வண்ணத்தில் சொல்லியிருந்தார்.கூடன்குள அணு உலைகளை தமிழகத்தின் கல்லறைகளாகவும் மன்மோகனை சாவி கொடுக்கப்பட்டு இயங்கும் பொம்மையாகவும் காட்ட கார்ட்டூனிஸ்ட் குமுதம் பாலா தவறவில்லை.
ஓவியர் அரும்பு ப.குமார், ஓவியக்கல்லூரி பகுதி நேர ஆசிரியர், ஓவியத்தோடு சில கருத்துகளையும் நம்மிடையே பகிர்ந்து கொண்டார். கலை கலைக்காக அன்றி மக்களுக்காக என்றால் எந்த மக்களுக்காக? பெரும்பான்மையான உழைக்கும் மக்களுக்காகவா? இல்லை அவர்களை சுரண்டி பிழைக்கும் முதலாளிகளுக்கா? ஹிரோஷிமா, நாகசாகியில் தப்பிப்பிழைத்த ஓவியர்கள் அக்கொடூரங்களை பின்னாளில் ஓவியங்களில் பதிவு செய்ததை நினைவு கூர்ந்தார். அத்தகைய கொடுமைகளை இனியாவது கூடன்குளத்தில் நிகழாது தடுக்க வேணும் இத்தகையதொரு முகாமை நடத்த வேண்டியதன் அவசியத்தை உணர்த்தினார். பெரும்பாலான வெகுஜன ஊடகங்கள் மக்களின் உணர்வு மட்டத்திலிருந்து எழும் கலைஞர்களை அங்கீகரிப்பதில்லை என்பதோடு அவர்களை வேண்டுமென்றே இருட்டடிப்பு செய்வதன் கோபம் அவருக்கிருந்தது.
அல்ஃபோன்ஸ், ஓவியக்கல்லூரி மாணவர், கூடன்குள அணு உலை செயல்படத் தொடங்கினால், இந்திய இலங்கை மின்சார ஒப்பந்தப்படி, கூடன்குள அணு உலை மின்சாரம் இலங்கைக்கு நேரடியாக விநியோகிக்கப் படப் போவதை சூசகமாக தனது ஓவியத்தில் தெரிவித்திருந்தார்.மீனவர்களை துப்பாக்கிகள் கொண்டு அவர்களது வாழ்வாதாரத்தை இந்திய அரசு விரட்டியடிப்பதாயும் அவருடைய ஓவியம் சித்தரிக்கப்பட்டிருந்தது.
ஓவியக்கலைஞர்களோடு பார்வையாளர்களாக கலந்து கொண்ட 'உச்சிதனை முகர்ந்தால்' இயக்குனர் புகழேந்தி, ம.க.இ.க தோழர் வீராச்சாமி அவர்களுடைய எண்ணங்களை நம்மோடு பகிர்ந்து கொண்டனர்.ஓவியர் அரஸ், இயக்குனர் புகழேந்தியை ஒலிபெருக்கியில் பேச அழைத்தார். அவருடைய கருத்துகளிலிருந்து,
"போபால் விஷவாயு கசிவின் போது எதற்காக சாகிறோம் எனத்தெரியாமலே உயிரை இழந்தனர் அவ்வூர் மக்கள். மீத்தைல் ஐசோசயனேட் வாயு வானில் பல்கி பெருகும் போது எத்திசையில் ஓடவேண்டும் என தெரியாத மக்களாய் அவர்கள் இருந்தனர். அந்த வாயு படாலேக் என்ற ஏரியை கடந்த போது, நீரின் அடர்த்தி வாயுவின் வீரியத்தை குறைத்து உறிஞ்சுக்கொண்டது.இந்த படாலேக்கை தாண்டி 15 காங்கிரசு அமைச்சர்களின் வீடுகள் இருந்தன. இந்த அமைச்சர்கள் மட்டும் அன்று உயிரை இழந்திருந்தால், அந்த மக்களுக்கு என்றோ நஷ்ட ஈடு கிடைத்திருக்கும்.யூனியன் கார்பைடின் முதலாளி வாரன் ஆண்டர்சன் அமெரிக்காவில் தஞ்சம் அடையுமுன் தூக்கில் தொங்கியிருப்பான்.இந்த துயர சம்பவம் மீண்டும் கூடன்குளத்தில் நிகழாதிருக்க வேண்டும்.கூடன்குளம் ஒரு கடலோரத்தில் அமைய வேண்டுமாயின் சென்னையின் மெரினா கடற்கரையோரம் அமைய மக்கள் சம்மதிப்பார்களா ? போயஸ் கார்டனிலோ கோபாலபுரத்திலோ ஏன் ஒரு அணு உலை செய்யக்கூடாது ? கூடன்குளம் மக்கள் மட்டும் என்ன புழு பூச்சிகளா? இளிச்சவாயர்களா ?"
தோழர் வீராச்சாமி இன்னும் விரிவாக கருத்துகளை பகிர்ந்து கொண்டார். வரையப்பட்ட ஓவியங்கள் குறித்தான தீர்க்கமான பார்வை அவரிடமிருந்தது. கூடன்குள அணு உலை எதிர்ப்பை சித்தரித்ததோடு அதன் பின்னாலிருக்கும் அரசியலையும் கலந்திருக்க வேண்டுமென தன் ஏக்கங்களைச் சொன்னார்.
'கூடன்குளம் மக்கள் உணர்வூட்டப்பட்டவர்களாக இருக்கின்றனர். அறிவூட்டப்பட்டவர்களாக இருக்கின்றனர். எதற்காக சாகிறோம் எனத் தெரியாமலே இறந்து மடிந்த போபால் மக்களைப் போலன்றி, கூடன்குள மக்கள் குழந்தைகள் முதல் பெரியவர்கள் வரை அணு உலைகளின் ஆபத்துகளையும் பின்னாலிருக்கும் அரசியல் அறிவையும் பெற்றிருக்கின்றனர். அதிகார பலம் கொண்டு துப்பாக்கி முனையில் அப்போராட்டத்தை ஒடுக்கி விட துடிக்கிறது இந்திய அரசு. இந்த ஆணவத்திமிர் எங்கிருந்து வருகிறது. அது மற்ற மாவட்ட மக்களின் செயலற்ற தன்மையும் அரசியலற்ற தன்மையையும் வலுவாக புரிந்து வைத்திருப்பதனால் உருவான திமிர். இந்த போக்கை எப்படி முறியடிப்பது? மத்திய அரசும் மாநில அரசும் கட்டமைத்த போலி பொது புத்தியை எப்படி உடைப்பது? அதற்கு இது போன்ற முகாம்கள் அவசியப்படுகின்றன. அணு உலைகளின் எதிர்ப்பை பதிவு செய்தலும் அதன் விளைவுகளையும் மக்களிடையே பேச வேண்டும். இது ஒரு செய்தி. மக்களிடையே கொண்டு சேர்க்கப்பட வேண்டிய செய்தி. எப்படியாவது கொண்டுபோய் சேர்க்க வேண்டும். அவசரமாய்ச் சேர்க்கப்பட வேண்டும். ம.க.இ.க பொதுக்கூட்டத்தில் கூடன்குள மக்களை பேச வைத்தது போல மாநிலமெங்கும் அவர்களை பேச வைக்க வேண்டும். அதற்கு உணர்வெழுச்சியின் அடிப்படையில் உழைக்கும் இத்தகைய கலைஞர்களின் பங்கு அவசியமாகிறது.'
தீட்டப்பட்ட ஓவியங்களை மாநிலமெங்கும் பள்ளி,கல்லூரிகள் மற்றும் பொது மக்கள் பார்வைக்கு எடுத்து செல்லப்படும் என்று ஒருங்கிணைப்பாளர்கள் தீர்மானித்தனர்.
- அ.மு.செய்யது (சேவ் தமிழ்ஸ்)
கலைஞன் தான் உலகின் முதல் கலகக்காரனாக இருந்திருக்க வேண்டும் என்ற கலகக்குரலோடு தனது தாடியையும் தூரிகையையும் நீவிவிட்டவாறு, முதல் அணு உலை எதிர்ப்பு வண்ணத்தை பலகைகளில் பதிவு செய்ய தொடங்கினார் ஓவியர் வீரசந்தானம். அருகிலிருந்தவரின் கைரேகைகளை தனது ஓவியத்திற்காக கவர்ந்து கொண்டார். அனைவரது வண்ணங்களிலும் எதிர்ப்பும் இரத்தமும் வாழ்வும் சாவும் ஏகாதிபத்தியமும் சுரண்டலும் வறட்சியும் மலர்ச்சியும் சுடுகாடுகளும் கல்லறைகளும் மற்றும் அணு உலைகளும் குழைத்து குழைத்து நிறைந்திருந்தன.
டிராஸ்கி மருது, வீரசந்தானம், முகிலன், அரஸ், சீனிவாசன் ஓவியக்கல்லூரி ஆசிரியர்கள், மாணவர்களான சி.வெங்கடேசன், அரும்பு ப.குமார், அல்ஃபோன்ஸ் உள்ளிட்ட 30 ஓவியக்கலைஞர்கள் நேற்று லயோலா கல்லுரியில் காலை பத்து மணிக்கு கூடுவதாக உறுதி பூண்டு, கூடன்குள அணு உலையை எதிர்த்து ஓவியங்களாய் தீட்டத்துவங்கினர். வரைந்து முடிக்கப்பட்ட ஓவியங்கள் மேடையில் ஒவ்வொன்றாய் கண்காட்சிக்கு வைக்கப்பட்டன.
ஓவியர் டிராஸ்கி மருது, கூடன்குள அணு உலை எதிர்ப்பை பெண்களின் போராட்டமாக இரத்த நிறப்பின்னணியில் தனது ஓவியத்தில் அழுத்தமாக சித்தரித்திருந்தார். ஓவியர் அரஸ், பல கைகள் இணைந்து மன்மோகனின் கைகளை கூடன்குள அணு உலையை கூடாது என முடுக்கி விடுவதாக தனது 'கை'வண்ணத்தில் சொல்லியிருந்தார்.கூடன்குள அணு உலைகளை தமிழகத்தின் கல்லறைகளாகவும் மன்மோகனை சாவி கொடுக்கப்பட்டு இயங்கும் பொம்மையாகவும் காட்ட கார்ட்டூனிஸ்ட் குமுதம் பாலா தவறவில்லை.
ஓவியர் அரும்பு ப.குமார், ஓவியக்கல்லூரி பகுதி நேர ஆசிரியர், ஓவியத்தோடு சில கருத்துகளையும் நம்மிடையே பகிர்ந்து கொண்டார். கலை கலைக்காக அன்றி மக்களுக்காக என்றால் எந்த மக்களுக்காக? பெரும்பான்மையான உழைக்கும் மக்களுக்காகவா? இல்லை அவர்களை சுரண்டி பிழைக்கும் முதலாளிகளுக்கா? ஹிரோஷிமா, நாகசாகியில் தப்பிப்பிழைத்த ஓவியர்கள் அக்கொடூரங்களை பின்னாளில் ஓவியங்களில் பதிவு செய்ததை நினைவு கூர்ந்தார். அத்தகைய கொடுமைகளை இனியாவது கூடன்குளத்தில் நிகழாது தடுக்க வேணும் இத்தகையதொரு முகாமை நடத்த வேண்டியதன் அவசியத்தை உணர்த்தினார். பெரும்பாலான வெகுஜன ஊடகங்கள் மக்களின் உணர்வு மட்டத்திலிருந்து எழும் கலைஞர்களை அங்கீகரிப்பதில்லை என்பதோடு அவர்களை வேண்டுமென்றே இருட்டடிப்பு செய்வதன் கோபம் அவருக்கிருந்தது.
அல்ஃபோன்ஸ், ஓவியக்கல்லூரி மாணவர், கூடன்குள அணு உலை செயல்படத் தொடங்கினால், இந்திய இலங்கை மின்சார ஒப்பந்தப்படி, கூடன்குள அணு உலை மின்சாரம் இலங்கைக்கு நேரடியாக விநியோகிக்கப் படப் போவதை சூசகமாக தனது ஓவியத்தில் தெரிவித்திருந்தார்.மீனவர்களை துப்பாக்கிகள் கொண்டு அவர்களது வாழ்வாதாரத்தை இந்திய அரசு விரட்டியடிப்பதாயும் அவருடைய ஓவியம் சித்தரிக்கப்பட்டிருந்தது.
ஓவியக்கலைஞர்களோடு பார்வையாளர்களாக கலந்து கொண்ட 'உச்சிதனை முகர்ந்தால்' இயக்குனர் புகழேந்தி, ம.க.இ.க தோழர் வீராச்சாமி அவர்களுடைய எண்ணங்களை நம்மோடு பகிர்ந்து கொண்டனர்.ஓவியர் அரஸ், இயக்குனர் புகழேந்தியை ஒலிபெருக்கியில் பேச அழைத்தார். அவருடைய கருத்துகளிலிருந்து,
"போபால் விஷவாயு கசிவின் போது எதற்காக சாகிறோம் எனத்தெரியாமலே உயிரை இழந்தனர் அவ்வூர் மக்கள். மீத்தைல் ஐசோசயனேட் வாயு வானில் பல்கி பெருகும் போது எத்திசையில் ஓடவேண்டும் என தெரியாத மக்களாய் அவர்கள் இருந்தனர். அந்த வாயு படாலேக் என்ற ஏரியை கடந்த போது, நீரின் அடர்த்தி வாயுவின் வீரியத்தை குறைத்து உறிஞ்சுக்கொண்டது.இந்த படாலேக்கை தாண்டி 15 காங்கிரசு அமைச்சர்களின் வீடுகள் இருந்தன. இந்த அமைச்சர்கள் மட்டும் அன்று உயிரை இழந்திருந்தால், அந்த மக்களுக்கு என்றோ நஷ்ட ஈடு கிடைத்திருக்கும்.யூனியன் கார்பைடின் முதலாளி வாரன் ஆண்டர்சன் அமெரிக்காவில் தஞ்சம் அடையுமுன் தூக்கில் தொங்கியிருப்பான்.இந்த துயர சம்பவம் மீண்டும் கூடன்குளத்தில் நிகழாதிருக்க வேண்டும்.கூடன்குளம் ஒரு கடலோரத்தில் அமைய வேண்டுமாயின் சென்னையின் மெரினா கடற்கரையோரம் அமைய மக்கள் சம்மதிப்பார்களா ? போயஸ் கார்டனிலோ கோபாலபுரத்திலோ ஏன் ஒரு அணு உலை செய்யக்கூடாது ? கூடன்குளம் மக்கள் மட்டும் என்ன புழு பூச்சிகளா? இளிச்சவாயர்களா ?"
தோழர் வீராச்சாமி இன்னும் விரிவாக கருத்துகளை பகிர்ந்து கொண்டார். வரையப்பட்ட ஓவியங்கள் குறித்தான தீர்க்கமான பார்வை அவரிடமிருந்தது. கூடன்குள அணு உலை எதிர்ப்பை சித்தரித்ததோடு அதன் பின்னாலிருக்கும் அரசியலையும் கலந்திருக்க வேண்டுமென தன் ஏக்கங்களைச் சொன்னார்.
'கூடன்குளம் மக்கள் உணர்வூட்டப்பட்டவர்களாக இருக்கின்றனர். அறிவூட்டப்பட்டவர்களாக இருக்கின்றனர். எதற்காக சாகிறோம் எனத் தெரியாமலே இறந்து மடிந்த போபால் மக்களைப் போலன்றி, கூடன்குள மக்கள் குழந்தைகள் முதல் பெரியவர்கள் வரை அணு உலைகளின் ஆபத்துகளையும் பின்னாலிருக்கும் அரசியல் அறிவையும் பெற்றிருக்கின்றனர். அதிகார பலம் கொண்டு துப்பாக்கி முனையில் அப்போராட்டத்தை ஒடுக்கி விட துடிக்கிறது இந்திய அரசு. இந்த ஆணவத்திமிர் எங்கிருந்து வருகிறது. அது மற்ற மாவட்ட மக்களின் செயலற்ற தன்மையும் அரசியலற்ற தன்மையையும் வலுவாக புரிந்து வைத்திருப்பதனால் உருவான திமிர். இந்த போக்கை எப்படி முறியடிப்பது? மத்திய அரசும் மாநில அரசும் கட்டமைத்த போலி பொது புத்தியை எப்படி உடைப்பது? அதற்கு இது போன்ற முகாம்கள் அவசியப்படுகின்றன. அணு உலைகளின் எதிர்ப்பை பதிவு செய்தலும் அதன் விளைவுகளையும் மக்களிடையே பேச வேண்டும். இது ஒரு செய்தி. மக்களிடையே கொண்டு சேர்க்கப்பட வேண்டிய செய்தி. எப்படியாவது கொண்டுபோய் சேர்க்க வேண்டும். அவசரமாய்ச் சேர்க்கப்பட வேண்டும். ம.க.இ.க பொதுக்கூட்டத்தில் கூடன்குள மக்களை பேச வைத்தது போல மாநிலமெங்கும் அவர்களை பேச வைக்க வேண்டும். அதற்கு உணர்வெழுச்சியின் அடிப்படையில் உழைக்கும் இத்தகைய கலைஞர்களின் பங்கு அவசியமாகிறது.'
தீட்டப்பட்ட ஓவியங்களை மாநிலமெங்கும் பள்ளி,கல்லூரிகள் மற்றும் பொது மக்கள் பார்வைக்கு எடுத்து செல்லப்படும் என்று ஒருங்கிணைப்பாளர்கள் தீர்மானித்தனர்.
- அ.மு.செய்யது (சேவ் தமிழ்ஸ்)
Wednesday, February 8, 2012
கூடன்குளம் அணு உலை - அழிவின் விளிம்பில் மக்கள் : படைப்பாளிகள் விளக்கம்
கூடன்குளம் அணு உலை - அழிவின் விளிம்பில் மக்கள் : படைப்பாளிகள் விளக்கம்
எழுத்தாளர்கள் அருள் எழிலன், யுவபாரதி மணிகண்டன், சந்திரா ஆகியோரின் முயற்சியில் அணு உலைகளுக்கெதிரான படைப்பாளிகளின் விளக்கக்கூட்டம் நேற்று (04-பிப்ரவரி-2012) சென்னை லயோலா கல்லூரியில் வெகு சிறப்பாக நடந்தேறியது. தமிழின் தேர்ந்த எழுத்தாளர்களான பா.செயப்பிரகாசம், மனுஷ்யபுத்திரன், குறும்பனை பெர்லின், அஜயன் பாலா சித்தார்த், பாமரன், பாஸ்கர் சக்தி, நிர்மலா கொற்றவை, ஞானி உட்பட பல எழுத்தாளர்கள் பங்கேற்ற இந்நிகழ்வு அணு உலைகளுக்கெதிரான படைப்பாளிகளின் நிலைப்பாட்டை தெளிவாகவும், எளிமையாகவும் வெளிக்கொணர்ந்தது.
எந்தவொரு ஒரு அரசியல் கட்சியும் முன்னின்று நடத்தாத ஒரு போராட்டம் அறவழியில் மிகப்பெரிய மக்கள் எழுச்சிப் போராக நெல்லையில் உருவெடுத்திருக்கின்றது. பன்னாட்டு முதலாளித்துவத்தையும், மக்கள் விரோத இந்திய அரசையும் எதிர்த்து, தத்தமது வாழ்வாதாரங்களுக்காக போராடி வரும் ஒடுக்கப்பட்ட மக்கள் அனைவருக்கும், கூடன்குளத்தையும் அதைச்சுற்றியுள்ள மீனவ மக்களும் தலித்துகளும் ஒரு மிகச்சிறந்த முன்னுதாரணமாக திகழ்ந்து வருகின்றனர்.
கூடங்குளம் மக்கள் போராட்டம் மீதான எங்கள் பார்வையை இவ்வரங்க கூட்டம் மாற்றியுள்ளது. இருப்பினும் இவ்வியக்கத்தின் முழு வெற்றி என்பது அணு உலை முற்றிலுமாக கைவிடப்பட்டு கூடன்குளம் அணு உலை திட்டத்திற்கே மூடுவிழா நடத்தப்படும் நாளில் தான். விழாவில் பேசிய படைப்பாளிகள் அனைவரது கருத்துகளும் கொண்ட ஒரு செய்திச் சுருக்கம்.
அணு உலைகளுக்கெதிராக போராடுவது இங்கே மிகப்பெரிய தேசத்துரோகமாக பார்க்கப்படுகின்றது. ஆகவே நாமனைவரும் தேசத்துரோகிகள். எனவே அங்கு போராடும் லட்சக்கணக்கான மக்கள் அனைவரும் தேசத்துரோகிகள் என தனது உரையை ஆரம்பித்தார்.
எழுத்தாளர். பா.செயப்பிரகாசம்.
நெய்தல் இயக்கச் செயலாளரான குறும்பனை பெர்லின் குமரியில் உள்ள ஒரு மணல் ஆலை வெளிப்படுத்தும் கதிர்வீச்சு (தோரியத்தை மணலில் இருந்து பிரிப்பதால் கதிர்வீச்சு ஏற்படுகின்றது) பாதிப்புகளினால் தனது குடும்பத்தில் பலரை புற்றுநோய் தாக்கியிருக்கிறது என்பதை தெரிவித்தார். 30,000 பேரிடம் நடத்திய ஆய்வில் 494 பேர் புற்றுநோயால் பாதிக்கப்பட்டு சிகிச்சை எடுத்து வருகிறார்கள். இத்தரவுகளை வெளியிடாத நிர்வாகம், மீண்டும் மருத்துவர்களை வைத்து சோதித்ததில் வெறும் 19 பேர் மட்டுமே புற்றுநோய் சிகிச்சை பெற்று வருவதாக திரித்து வெளியிட்டிருக்கின்றது.
வெறும் மணல் ஆலையினால் கிளறிவிடப்படும் கதிரியக்கமே இத்தகைய பாதிப்புகளை தோற்றுவிக்குமாயின், அணு உலைகளால் ஏற்படும் பாதிப்பு எந்த அளவிற்கு இருக்கும் என்பதை நம்மால் கணிக்க முடியும். ஆனால் அரசோ கதிர்வீச்சால் புற்றுநோய் ஏற்படாது எனக்கூறுகின்றது, அப்படியென்றால் இந்த புற்றுநோயெல்லாம் எங்கள் முன்னோர் கருதியது போல கடவுள் கொடுத்ததா?
கூடங்குளம் அணு உலை போலவே நம்மை அச்சுறுத்தும் இன்னொரு பிரச்சனையும் நம்மை நெருங்குகின்றது. அது நியூட்ரினோ ஆய்வகம். அணு உலைக்கு எதிராக குறைந்தபட்ச விழிப்புணர்வாவது இருக்கின்றது. ஆனால் நியூட்ரினோ ஆய்வகம் பற்றியும், அதனால் சூழலுக்கு ஏற்படும் பாதிப்பு பற்றிய பரவலான விழிப்புணர்வு ஏற்படுத்தப்படவேண்டும்.
கூடங்குளம் மக்களின் உண்மையான போரட்டத்திற்கு படைப்பாளிகளாகிய நாம் என்றுமே ஆதரவாக இருக்கவேண்டும். இருப்போம் என்றார் எழுத்தாளர். பாஸ்கர் சக்தி
எழுத்தாளர். அஜயன் பாலா சித்தார்த்தோ, இது மண்ணின் மைந்தர்களுக்கெதிராக நடக்கும் அடக்குமுறையாகும். நமது பொருளாதார சுழற்சி என்பது, நடுத்தர வர்க்கத்தின் வருவாய் மேல்தட்டு முதலாளித்துவத்தை நோக்கி திருப்பி விடப்பட்டுக்கொண்டிருக்கிறது. இது தான் இத்தகைய அணு உலைகளை இந்திய அரசு ஊக்குவிப்பதன் காரணியாகும் என அவர் கூறினார்.
எழுத்தாளர். மனுஷ்யபுத்திரன் பேசியதிலிருந்து ’’எந்த சமூகப் பிரச்சினையிலும் அபிப்ராயம் சொல்வதில் குறிப்பிட்ட சில எழுத்தாளர்களின் பெயர்கள் மட்டுமே ஏன் எப்போதும் இடம்பெறுகின்றன? பெரும்பாலான எழுத்தாளர்களுக்கு எந்தப் பிரச்சினையிலும் எந்தக் கருத்துக்களும் இல்லையா’என்று கேட்டார். ’’அணு உலை ஆதரவாளர்களின் கைகளில் அதிகாரம், ஊடகம் எல்லாம் இருக்கின்றது.... மக்களுக்கு இருப்பதோ தெருக்கள் மட்டுமே. அவர்கள் தொடர்ந்து தங்களுக்கு எதிரான அநீதிகளுக்கு எதிராக தெருக்களில் திரள்வதே ஒரே வழி…… படித்தவர்கள் அயோக்கியர்களாக மாறி வரும் ஒரு சமூகத்தில் ஆதிவாசிகளும், கிராம மக்களும் தான் நீதிக்காக போராடி வருகின்றார்கள். இன்று கம்யூனிஸ்டுகளும், காங்கிரஸ்காரகளும், இந்துத்துவவாதிகளும் கூடங்குளம் விவகாரத்தில் ஒரு அணிக்கு வந்துவிட்டது தான் பெரும் வரலாற்று அவலமாகும். வளர்ச்சி என்ற பெயரில் அரசு செய்யக்கூடிய படுகொலைக்கு எதிரான போராட்டம் தான் கூடங்குளம் போராட்டமாகும் .’’
எழுத்தாளர். பாமரன் பேசும் பொழுது “அணு உலையில் விபத்து ஏற்பட்டால் கையால் வாயைப் மூடிக்கொண்டு ஐந்து கிலோ மீட்டர் ஓட வேண்டும்” என்ற அணு உலை அதிகாரிகளின் ஆலோசனைகளே மக்களின் போராட்டத்திற்கு மிக முக்கிய காரணமாகும், மேலும் 1988ல் அவர் எழுதிய 'புத்தர் சிரித்தார்’ என்ற நூலை இரண்டாம் முறையாக அவர் “அணு அணுவாய் சாவோம்” என்ற நூலாக வெளியிட்டுள்ளார், அந்த நூலிலிருந்து அப்துல் கலாமுக்கான பல கடிதங்களை வாசித்தார்.
“இந்த உலகத்திலேயே அணு குண்டை நேசிக்கிற அதே நேரத்தில் குழந்தைகளை நேசிக்கிற விஞ்ஞானி நீங்க மட்டும் தான் கலாம். எவ்வளவோ ஏவுகணை கண்டுபுடிச்சீங்க ஆனா நீங்க சொல்லாத ஒன்னே ஒன்னு அந்த ஏவுகணைக்கெல்லாம் இலக்கு மக்களாகிய நாங்கள் தானென்று”.
பெண்ணிய செயல்பாட்டாளர் நிர்மலா கொற்றவை கூறுகையில் – பெண்கள் தான் கூடங்குளம் போராட்டத்தின் பலம், பெண்கள் சமூக பங்களிப்பு அளிப்பதையும் ,போராடுவதையும், மதவாதிகளாலும், முதலாளித்துவத்திற்கு துணை நிற்கும் எந்த அரசு அமைப்புகளால் சகித்து கொள்ளமுடியாத ஒன்றாக இருக்கின்றது என்றார்.
இந்த விழாவின் குறிப்பிடத்தக்க நிறைவுரையாக எழுத்தாளர். ஞானியின் பேச்சு இருந்தது.1987 லேயே 15,000 மீனவர்கள் கூடிய ஒரு கூட்டத்தில் அணு உலைக்கெதிராக பேசிய பேச்சாளர்களில் ஞானியும் ஒருவர். இப்போராட்டத்தின் வயது 25 வருடம் என்பதற்கு தானும் ஒரு சாட்சியம் என்பதை எடுத்துரைத்தார்.அக்கால கட்டங்களிலேயே போராட்டங்களில் பங்கேற்றவர்களின் மீது பொய் வழக்கு போடப்பட்டதால், வெளிநாடுகளில் தஞ்சமடைந்த இடிந்த கரையைச் சேர்ந்த பலரின் கடிதங்களை அவர் குறிப்பிட்டார். 80-களில் அமெரிக்காவின் ஒரு சின்ன பஞ்சாயத்தான சஃபோக் கவுண்டியின் எதிர்ப்பால் அவ்வூரில் கட்டப்பட்ட அணு உலையை அமெரிக்க ஃபெடரல் அரசாங்கத்தையும் மூடியது. அந்த இழப்பீட்டை அவர்கள் எப்படி ஈடுகட்டினார்கள் என்பதையும் தெளிவாக முன்வைத்தார் ஞானி.
அணு உலையை எரிபொருள் மாற்று முறையின் மூலம் அனல்மின் உற்பத்தி நிலையமாக மாற்றி உபயோகித்தார்கள் எனக்கூறினார். தமிழ்நாட்டில் குண்டுபல்புகளை பயன்படுத்துவதை நிறுத்துவிட்டு, அனைவரும் CFL என்றழைக்கக்கூடிய குழல் விளக்குகள் பயன்படுத்துவதால் மட்டுமே 500 மெகாவாட் உபரியாக மின்சாரம் சேமிக்கலாம் என்ற கருத்தையும் கூறினார்.
இத்திட்டத்தை தமிழக அரசே மழைநீர் சேகரிப்பு திட்டத்தை செயல்படுத்தியது போல திட்டமிடலாம் என்பதோடு ரேஷன் கடையிலேயே குழல் விளக்குகளை விநியோகிக்கலாம் என்றுரைத்தார். மேலும், இன்று (04-பிப்ரவரி 2012) தமிழக முதல்வர் நியமித்துள்ள நிபுணர் குழுவில் போராட்டக்குழு நிபுணர்களும் இடம் பெறவேண்டும் ;அனைத்து எழுத்தாளர்களும் ஒன்று திரண்டு தமிழக முதல்வரைச் சந்தித்து இதை ஆவணச் செய்ய வேண்டும் என்று தன்னுரையை நிறைவு செய்தார் ஞானி.
எழுத்தாளர்கள் அருள் எழிலன், யுவபாரதி மணிகண்டன், சந்திரா ஆகியோரின் முயற்சியில் அணு உலைகளுக்கெதிரான படைப்பாளிகளின் விளக்கக்கூட்டம் நேற்று (04-பிப்ரவரி-2012) சென்னை லயோலா கல்லூரியில் வெகு சிறப்பாக நடந்தேறியது. தமிழின் தேர்ந்த எழுத்தாளர்களான பா.செயப்பிரகாசம், மனுஷ்யபுத்திரன், குறும்பனை பெர்லின், அஜயன் பாலா சித்தார்த், பாமரன், பாஸ்கர் சக்தி, நிர்மலா கொற்றவை, ஞானி உட்பட பல எழுத்தாளர்கள் பங்கேற்ற இந்நிகழ்வு அணு உலைகளுக்கெதிரான படைப்பாளிகளின் நிலைப்பாட்டை தெளிவாகவும், எளிமையாகவும் வெளிக்கொணர்ந்தது.
எந்தவொரு ஒரு அரசியல் கட்சியும் முன்னின்று நடத்தாத ஒரு போராட்டம் அறவழியில் மிகப்பெரிய மக்கள் எழுச்சிப் போராக நெல்லையில் உருவெடுத்திருக்கின்றது. பன்னாட்டு முதலாளித்துவத்தையும், மக்கள் விரோத இந்திய அரசையும் எதிர்த்து, தத்தமது வாழ்வாதாரங்களுக்காக போராடி வரும் ஒடுக்கப்பட்ட மக்கள் அனைவருக்கும், கூடன்குளத்தையும் அதைச்சுற்றியுள்ள மீனவ மக்களும் தலித்துகளும் ஒரு மிகச்சிறந்த முன்னுதாரணமாக திகழ்ந்து வருகின்றனர்.
கூடங்குளம் மக்கள் போராட்டம் மீதான எங்கள் பார்வையை இவ்வரங்க கூட்டம் மாற்றியுள்ளது. இருப்பினும் இவ்வியக்கத்தின் முழு வெற்றி என்பது அணு உலை முற்றிலுமாக கைவிடப்பட்டு கூடன்குளம் அணு உலை திட்டத்திற்கே மூடுவிழா நடத்தப்படும் நாளில் தான். விழாவில் பேசிய படைப்பாளிகள் அனைவரது கருத்துகளும் கொண்ட ஒரு செய்திச் சுருக்கம்.
அணு உலைகளுக்கெதிராக போராடுவது இங்கே மிகப்பெரிய தேசத்துரோகமாக பார்க்கப்படுகின்றது. ஆகவே நாமனைவரும் தேசத்துரோகிகள். எனவே அங்கு போராடும் லட்சக்கணக்கான மக்கள் அனைவரும் தேசத்துரோகிகள் என தனது உரையை ஆரம்பித்தார்.
எழுத்தாளர். பா.செயப்பிரகாசம்.
நெய்தல் இயக்கச் செயலாளரான குறும்பனை பெர்லின் குமரியில் உள்ள ஒரு மணல் ஆலை வெளிப்படுத்தும் கதிர்வீச்சு (தோரியத்தை மணலில் இருந்து பிரிப்பதால் கதிர்வீச்சு ஏற்படுகின்றது) பாதிப்புகளினால் தனது குடும்பத்தில் பலரை புற்றுநோய் தாக்கியிருக்கிறது என்பதை தெரிவித்தார். 30,000 பேரிடம் நடத்திய ஆய்வில் 494 பேர் புற்றுநோயால் பாதிக்கப்பட்டு சிகிச்சை எடுத்து வருகிறார்கள். இத்தரவுகளை வெளியிடாத நிர்வாகம், மீண்டும் மருத்துவர்களை வைத்து சோதித்ததில் வெறும் 19 பேர் மட்டுமே புற்றுநோய் சிகிச்சை பெற்று வருவதாக திரித்து வெளியிட்டிருக்கின்றது.
வெறும் மணல் ஆலையினால் கிளறிவிடப்படும் கதிரியக்கமே இத்தகைய பாதிப்புகளை தோற்றுவிக்குமாயின், அணு உலைகளால் ஏற்படும் பாதிப்பு எந்த அளவிற்கு இருக்கும் என்பதை நம்மால் கணிக்க முடியும். ஆனால் அரசோ கதிர்வீச்சால் புற்றுநோய் ஏற்படாது எனக்கூறுகின்றது, அப்படியென்றால் இந்த புற்றுநோயெல்லாம் எங்கள் முன்னோர் கருதியது போல கடவுள் கொடுத்ததா?
கூடங்குளம் அணு உலை போலவே நம்மை அச்சுறுத்தும் இன்னொரு பிரச்சனையும் நம்மை நெருங்குகின்றது. அது நியூட்ரினோ ஆய்வகம். அணு உலைக்கு எதிராக குறைந்தபட்ச விழிப்புணர்வாவது இருக்கின்றது. ஆனால் நியூட்ரினோ ஆய்வகம் பற்றியும், அதனால் சூழலுக்கு ஏற்படும் பாதிப்பு பற்றிய பரவலான விழிப்புணர்வு ஏற்படுத்தப்படவேண்டும்.
கூடங்குளம் மக்களின் உண்மையான போரட்டத்திற்கு படைப்பாளிகளாகிய நாம் என்றுமே ஆதரவாக இருக்கவேண்டும். இருப்போம் என்றார் எழுத்தாளர். பாஸ்கர் சக்தி
எழுத்தாளர். அஜயன் பாலா சித்தார்த்தோ, இது மண்ணின் மைந்தர்களுக்கெதிராக நடக்கும் அடக்குமுறையாகும். நமது பொருளாதார சுழற்சி என்பது, நடுத்தர வர்க்கத்தின் வருவாய் மேல்தட்டு முதலாளித்துவத்தை நோக்கி திருப்பி விடப்பட்டுக்கொண்டிருக்கிறது. இது தான் இத்தகைய அணு உலைகளை இந்திய அரசு ஊக்குவிப்பதன் காரணியாகும் என அவர் கூறினார்.
எழுத்தாளர். மனுஷ்யபுத்திரன் பேசியதிலிருந்து ’’எந்த சமூகப் பிரச்சினையிலும் அபிப்ராயம் சொல்வதில் குறிப்பிட்ட சில எழுத்தாளர்களின் பெயர்கள் மட்டுமே ஏன் எப்போதும் இடம்பெறுகின்றன? பெரும்பாலான எழுத்தாளர்களுக்கு எந்தப் பிரச்சினையிலும் எந்தக் கருத்துக்களும் இல்லையா’என்று கேட்டார். ’’அணு உலை ஆதரவாளர்களின் கைகளில் அதிகாரம், ஊடகம் எல்லாம் இருக்கின்றது.... மக்களுக்கு இருப்பதோ தெருக்கள் மட்டுமே. அவர்கள் தொடர்ந்து தங்களுக்கு எதிரான அநீதிகளுக்கு எதிராக தெருக்களில் திரள்வதே ஒரே வழி…… படித்தவர்கள் அயோக்கியர்களாக மாறி வரும் ஒரு சமூகத்தில் ஆதிவாசிகளும், கிராம மக்களும் தான் நீதிக்காக போராடி வருகின்றார்கள். இன்று கம்யூனிஸ்டுகளும், காங்கிரஸ்காரகளும், இந்துத்துவவாதிகளும் கூடங்குளம் விவகாரத்தில் ஒரு அணிக்கு வந்துவிட்டது தான் பெரும் வரலாற்று அவலமாகும். வளர்ச்சி என்ற பெயரில் அரசு செய்யக்கூடிய படுகொலைக்கு எதிரான போராட்டம் தான் கூடங்குளம் போராட்டமாகும் .’’
எழுத்தாளர். பாமரன் பேசும் பொழுது “அணு உலையில் விபத்து ஏற்பட்டால் கையால் வாயைப் மூடிக்கொண்டு ஐந்து கிலோ மீட்டர் ஓட வேண்டும்” என்ற அணு உலை அதிகாரிகளின் ஆலோசனைகளே மக்களின் போராட்டத்திற்கு மிக முக்கிய காரணமாகும், மேலும் 1988ல் அவர் எழுதிய 'புத்தர் சிரித்தார்’ என்ற நூலை இரண்டாம் முறையாக அவர் “அணு அணுவாய் சாவோம்” என்ற நூலாக வெளியிட்டுள்ளார், அந்த நூலிலிருந்து அப்துல் கலாமுக்கான பல கடிதங்களை வாசித்தார்.
“இந்த உலகத்திலேயே அணு குண்டை நேசிக்கிற அதே நேரத்தில் குழந்தைகளை நேசிக்கிற விஞ்ஞானி நீங்க மட்டும் தான் கலாம். எவ்வளவோ ஏவுகணை கண்டுபுடிச்சீங்க ஆனா நீங்க சொல்லாத ஒன்னே ஒன்னு அந்த ஏவுகணைக்கெல்லாம் இலக்கு மக்களாகிய நாங்கள் தானென்று”.
பெண்ணிய செயல்பாட்டாளர் நிர்மலா கொற்றவை கூறுகையில் – பெண்கள் தான் கூடங்குளம் போராட்டத்தின் பலம், பெண்கள் சமூக பங்களிப்பு அளிப்பதையும் ,போராடுவதையும், மதவாதிகளாலும், முதலாளித்துவத்திற்கு துணை நிற்கும் எந்த அரசு அமைப்புகளால் சகித்து கொள்ளமுடியாத ஒன்றாக இருக்கின்றது என்றார்.
இந்த விழாவின் குறிப்பிடத்தக்க நிறைவுரையாக எழுத்தாளர். ஞானியின் பேச்சு இருந்தது.1987 லேயே 15,000 மீனவர்கள் கூடிய ஒரு கூட்டத்தில் அணு உலைக்கெதிராக பேசிய பேச்சாளர்களில் ஞானியும் ஒருவர். இப்போராட்டத்தின் வயது 25 வருடம் என்பதற்கு தானும் ஒரு சாட்சியம் என்பதை எடுத்துரைத்தார்.அக்கால கட்டங்களிலேயே போராட்டங்களில் பங்கேற்றவர்களின் மீது பொய் வழக்கு போடப்பட்டதால், வெளிநாடுகளில் தஞ்சமடைந்த இடிந்த கரையைச் சேர்ந்த பலரின் கடிதங்களை அவர் குறிப்பிட்டார். 80-களில் அமெரிக்காவின் ஒரு சின்ன பஞ்சாயத்தான சஃபோக் கவுண்டியின் எதிர்ப்பால் அவ்வூரில் கட்டப்பட்ட அணு உலையை அமெரிக்க ஃபெடரல் அரசாங்கத்தையும் மூடியது. அந்த இழப்பீட்டை அவர்கள் எப்படி ஈடுகட்டினார்கள் என்பதையும் தெளிவாக முன்வைத்தார் ஞானி.
அணு உலையை எரிபொருள் மாற்று முறையின் மூலம் அனல்மின் உற்பத்தி நிலையமாக மாற்றி உபயோகித்தார்கள் எனக்கூறினார். தமிழ்நாட்டில் குண்டுபல்புகளை பயன்படுத்துவதை நிறுத்துவிட்டு, அனைவரும் CFL என்றழைக்கக்கூடிய குழல் விளக்குகள் பயன்படுத்துவதால் மட்டுமே 500 மெகாவாட் உபரியாக மின்சாரம் சேமிக்கலாம் என்ற கருத்தையும் கூறினார்.
இத்திட்டத்தை தமிழக அரசே மழைநீர் சேகரிப்பு திட்டத்தை செயல்படுத்தியது போல திட்டமிடலாம் என்பதோடு ரேஷன் கடையிலேயே குழல் விளக்குகளை விநியோகிக்கலாம் என்றுரைத்தார். மேலும், இன்று (04-பிப்ரவரி 2012) தமிழக முதல்வர் நியமித்துள்ள நிபுணர் குழுவில் போராட்டக்குழு நிபுணர்களும் இடம் பெறவேண்டும் ;அனைத்து எழுத்தாளர்களும் ஒன்று திரண்டு தமிழக முதல்வரைச் சந்தித்து இதை ஆவணச் செய்ய வேண்டும் என்று தன்னுரையை நிறைவு செய்தார் ஞானி.
Friday, February 3, 2012
அங்கு சிவக்குமாரன்... இங்கு முத்துக்குமார்...
வரலாற்றுச் சக்கரத்தை வேகமாய் சுழலச் செய்தவன்...
ஒடிக் கொண்டிருந்தவர்களை நின்று யோசிக்க வைத்தவன்...
அவன் எரிந்து பொசுங்கிய சாம்பலில் இருந்து
எழுந்து நின்ற இளைஞர்களை நானறிவேன்..
அவன் மரணம் சிலர் வாழ்க்கையைப் புரட்டிப் போட்டுள்ளது..
நிச்சயம் ஒருநாள்
அவர்கள் இந்த சமூகத்தைப் புரட்டிப் போடுவார்கள்..
ஆனால்,,இன்னும் பலர் இருக்கின்றோம்...
இன்னும் எத்தனை முத்துக்குமரன்கள் வேண்டுமென்று தெரியவில்லை..
விலங்கொடித்து விடுதலையின் பாதையில் வீறு நடை போட...
உருண்டோடி விட்டது மூன்றாண்டுகள்....
இன்னும் சில ஆண்டுகள் சேமித்து விட்டு....விட்டு...
இன்னும் கொஞ்ச நாளில் களமிறங்கி ... இறங்கி...’’
இந்த வாக்கியங்களை ஒவ்வொரு முறை உச்சரிக்கும் போது
உயிரைவிட்ட முத்துக்குமாரை முட்டாளாக்கி விடுகின்றோம்...
ஒரு வேளை தியாகி என்பதன் பொருள் கூட முட்டாள் தானோ?
அவன் முட்டாளா? இல்லை.
அவன் புத்திசாலிகளை, எச்சரிக்கையானவர்களை...
உன்னையோ, என்னையோ நம்பவில்லை..
அவன் வரலாற்றை நம்பினான்..
கண்ணுக்கு தெரியாத ...முகநூலில் இல்லாத ....
ஊடகங்கள் காட்டாத...மேடைகளில் வாராத...
வரலாற்றைப் படைக்க போராடிக் கொண்டிருக்கும்
இளைஞர்களை அவன் நம்பினான்...
அவர்கள் அலைகளைப் போல...
ஞாயிற்றுக்கிழமைகளில் கடற்கரைக்கு வருவோருக்காக காத்திருப்பதில்லை...
அவர்கள் காற்றைப் போல...
நெருப்பு அணையட்டும் என்று காத்திருப்பதில்லை...
அவர்கள் பாதுகாப்பதற்காக களம் இறங்குவார்கள்...
தம்மைப் ’பாதுகாப்பு’ ஆக்கிக் கொண்டு இறங்க மாட்டார்கள்...
மூளையில் இருந்து இன்னொரு குரல்..
போதும்..நிறுத்து...
கவிதை ரசிக்க மட்டுமே....
தியாகிகளும், மாவீரர்களும் வீர வணக்கத்திற்கு மட்டுமே!
செந்தில் - தமிழர் காப்பு இயக்கம் (Save Tamils Movement)
ஒடிக் கொண்டிருந்தவர்களை நின்று யோசிக்க வைத்தவன்...
அவன் எரிந்து பொசுங்கிய சாம்பலில் இருந்து
எழுந்து நின்ற இளைஞர்களை நானறிவேன்..
அவன் மரணம் சிலர் வாழ்க்கையைப் புரட்டிப் போட்டுள்ளது..
நிச்சயம் ஒருநாள்
அவர்கள் இந்த சமூகத்தைப் புரட்டிப் போடுவார்கள்..
ஆனால்,,இன்னும் பலர் இருக்கின்றோம்...
இன்னும் எத்தனை முத்துக்குமரன்கள் வேண்டுமென்று தெரியவில்லை..
விலங்கொடித்து விடுதலையின் பாதையில் வீறு நடை போட...
உருண்டோடி விட்டது மூன்றாண்டுகள்....
இன்னும் சில ஆண்டுகள் சேமித்து விட்டு....விட்டு...
இன்னும் கொஞ்ச நாளில் களமிறங்கி ... இறங்கி...’’
இந்த வாக்கியங்களை ஒவ்வொரு முறை உச்சரிக்கும் போது
உயிரைவிட்ட முத்துக்குமாரை முட்டாளாக்கி விடுகின்றோம்...
ஒரு வேளை தியாகி என்பதன் பொருள் கூட முட்டாள் தானோ?
அவன் முட்டாளா? இல்லை.
அவன் புத்திசாலிகளை, எச்சரிக்கையானவர்களை...
உன்னையோ, என்னையோ நம்பவில்லை..
அவன் வரலாற்றை நம்பினான்..
கண்ணுக்கு தெரியாத ...முகநூலில் இல்லாத ....
ஊடகங்கள் காட்டாத...மேடைகளில் வாராத...
வரலாற்றைப் படைக்க போராடிக் கொண்டிருக்கும்
இளைஞர்களை அவன் நம்பினான்...
அவர்கள் அலைகளைப் போல...
ஞாயிற்றுக்கிழமைகளில் கடற்கரைக்கு வருவோருக்காக காத்திருப்பதில்லை...
அவர்கள் காற்றைப் போல...
நெருப்பு அணையட்டும் என்று காத்திருப்பதில்லை...
அவர்கள் பாதுகாப்பதற்காக களம் இறங்குவார்கள்...
தம்மைப் ’பாதுகாப்பு’ ஆக்கிக் கொண்டு இறங்க மாட்டார்கள்...
மூளையில் இருந்து இன்னொரு குரல்..
போதும்..நிறுத்து...
கவிதை ரசிக்க மட்டுமே....
தியாகிகளும், மாவீரர்களும் வீர வணக்கத்திற்கு மட்டுமே!
செந்தில் - தமிழர் காப்பு இயக்கம் (Save Tamils Movement)
Subscribe to:
Posts (Atom)